COVID-19 pandemiyası dövründə AMEA-nın Polimer Materialları İnstitutunun Polimerlərin mexaniki-kimyəvi modifikasiyası və emalı laboratoriyasının müdiri, professor Nəcəf Qəhrəmanovun rəhbərliyi altında 4 məqalə nəşr olunub.
Məqalələr “Scopus” beynəlxalq elmi bazasına daxil olan “Inorganic Materials: Applied Research”, “Известия высших учебных заведений. Серия “Химия и Химическая Технология” və “Polymer Science, Series D” jurnallarında çap olunub.
“Inorganic Materials: Applied Research” jurnalında dərc olunmuş iki məqalə azyanan polimer kompozitlərin alınmasına və xassələrinin təyin edilməsinə həsr olunub.
“Известия высших учебных заведений. Серия “Химия и Химическая Технология” jurnalında nəşr olunmuş məqalədə alüminium tozunun poliolefinlərin kristallaşma prosesinin kinetik qanunauyğunluğuna və mexanizminə təsiri öyrənilib.
Poliolefinlərin funksionallaşdırılması və nanohissəciklərin appretləşdirilməsi prosesinin hibrid-hellərin formalaşma mexanizminə təsirinin tamamilə yeni yanaşmalarla verildiyi məqalə isə “Polymer Science, Series D” jurnalında işıq üzü görüb.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.