Azərbaycan Milli Elmlər Akademiyası

AMEA-nın İnformasiya Texnologiyaları İnstitutunun şöbə müdiri, texnika üzrə fəlsəfə doktoru Gülnarə Nəbibəyova “UkrPROG'2020” XII beynəlxalq elmi-praktiki konfransında “Elektron demoqrafiya mühitində qərarların qəbulunu dəstəkləyən sistem” adlı elmi məruzə ilə çıxış edib.

COVID-19 pandemiyası ilə əlaqədar olaraq onlayn formada baş tutan konfrans Ukrayna Milli Elmlər Akademiyası, Ukrayna Təhsil və Elm Nazirliyi, Ukrayna Milli Elmlər Akademiyasının Kibernetika Mərkəzi, “İ.Sikorski Kiyev Politexnik İnstitutu” Ukrayna Milli Texniki Universiteti və Taras Şevçenko adına Kiyev Milli Universiteti tərəfindən təşkil edilib.

Konfransın məqsədi proqramlaşdırma və proqram mühəndisliyi elmində və praktikasında əldə edilmiş ən mühüm nailiyyətləri diqqətə çatdırmaq, bu elm və texnologiya sahəsinin inkişafının əsas istiqamətlərini müəyyənləşdirmək olub.

İki ildən bir keçirilən tədbirdə proqramlaşdırmanın nəzəri və metodoloji əsasları, paralel proqramlaşdırma, paylanmış sistemlər və şəbəkələr, proqram mühəndisliyinin metod və vasitələri, proqramlaşdırmanın formal metodları, məlumat və bilik bazaları sistemlərinin model və vasitələri, proqramlaşdırmanın təhsil və təlim aspektləri, informasiya sistemləri, informasiyanın mühafizəsi, tətbiqi proqram təminatı və s. kimi mövzular müzakirə olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.