Azərbaycan Milli Elmlər Akademiyası

AMEA Coğrafiya İnstitutunun direktoru, akademik Ramiz Məmmədov mayın 19-da Türkiyənin İstanbul şəhərində Qara Dəniz İqtisadi Əməkdaşlıq Təşkilatının (QİƏT)  Elm və Texnologiya üzrə  İşçi Qrupunun  növbəti görüşündə iştirak edib.

Tədbirdə Türkiyə, Yunanıstan, Serbiya, Rusiya, Ukrayna, Moldova, Rumıniya və digər ölkələrin alim və mütəxəssisləri  iştirak ediblər.

Məqsəd  2014-cü ilin dekabrında Bakı şəhərində Qara Dəniz İqtisadi Əməkdaşlıq Təşkilatı (QİƏT) ölkələrinin xarici işlər nazirlərinin görüşü zamanı  texnologiya sahəsində hədəfləri müəyyənləşdirilmiş beynəlxalq konfransın keçirilməsi, elm və texnologiya sahəsinə xüsusən gənclərin cəlb olunması və bu istiqamətdə fəaliyyətin gücləndirilməsi üçün tədbirlərin görülməsi idi. 

Görüşdə akademik Ramiz Məmmədov gənclər üçün müvafiq fondun yaradılması təklifini irəli sürüb. Azərbaycanlı alimin təklifi qəbul edilib.

Tədbirdə  QDİYŞ-ın Amerika Birləşmiş Ştatları ilə  əməkdaşlıq məsələləri də müzakirə edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir