Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

16.02.2016 14:56
  • A-
  • A
  • A+

Dilçilik İnstitutunda "Qaynar xətt" xidməti sınaq fəaliyyətinə başlayıb

Dilçilik İnstitutunda "Qaynar xətt" xidməti sınaq fəaliyyətinə başlayıb

AR Rabitə və Yüksək Texnologiyalar Nazirliyi AMEA-nın  Dilçilik İnstitutunda “Qaynar xətt”in yaradılmasına köməklik göstərib. Nazirlik tərəfindən nömrə resursu ayrılıb və zəruri avadanlıq quraşdırılıb.

24 saat ərzində fasiləsiz fəaliyyət göstərən 1657 nömrəli “Qaynar xətt”də bütün zənglər qeydiyyata alınır. Həmçinin zənglərin günlük, həftəlik, aylıq statistikasının aparılması da nəzərdə tutulub.

Artıq institutda sınaq zənglərinin qəbuluna başlanılıb. Sınaq zəngləri təxminən martın əvvəllərinə qədər davam edəcək. Bu müddət ərzində dilçi mütəxəssislər irad və təklifləri qeydə alacaq, sualları cavablandıracaqlar.

“Qaynar xətt” “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı”nın tələbinə uyğun olaraq yaradılıb. Vətəndaşlar bu nömrəyə zəng vurmaqla dil qüsurları barədə məlumat verə və Azərbaycan dili ilə bağlı onları maraqlandıran suallara cavab ala bilərlər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: