Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Birinci Türkoloji Qurultayın 90 illik yubileyi qeyd olunacaq
20.04.2016 16:30
  • A-
  • A
  • A+

Birinci Türkoloji Qurultayın 90 illik yubileyi qeyd olunacaq

Məlum olduğu kimi, Azərbaycan Respublikasının Prezidenti İlham Əliyevin "Birinci Türkoloji Qurultayın 90 illik yubileyinin keçirilməsi haqqında "18 fevral 2016-cı il tarixli Sərəncamına əsasən, Azərbaycan Milli Elmlər Akademiyası ilə Azərbaycan Respublikasının Təhsil, Mədəniyyət və Turizm nazirliklərinə Qurultayın 90-cı ildönümünə həsr olunmuş Tədbirlər Planının hazırlanaraq həyata keçirilməsi tapşırılıb.

Tədbirin keçirilməsi ilə bağlı aprelin 20-də AMEA Rəyasət Heyətinin iclasında müzakirələr aparılıb. Qurultayın yubileyinin təşkili ilə əlaqədar çıxış edən AMEA-nın vitse-prezidenti, akademik İsa Həbibbəyli Birinci Türkoloji Qurultayın tarixə düşmüş əlamətdar hadisə olduğunu bildirərək onun əhəmiyyətindən danışıb.

AMEA və digər dövlət qurumlarının iştirakı ilə hazırlanan Tədbirlər Planı Rəyasət Heyətinə təqdim olunub və qərarla təsdiqini tapıb. Rəyasət Heyətinin qərarına əsasən planın icrasından irəli gələn məsələlər üzrə müvafiq şəxslərə tapşırıqlar verilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

 

  • Paylaş: