Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  GÖRÜŞLƏR

AMEA-nın İqtisadiyyat İnstitutunda Nobel mükafatçıları ilə görüş keçirilib
29.09.2016 16:29
  • A-
  • A
  • A+

AMEA-nın İqtisadiyyat İnstitutunda Nobel mükafatçıları ilə görüş keçirilib

Bu gün AMEA-nın İqtisadiyyat İnstitutunda Norveçin Karneqi-Melon Universitetinin professoru, Nobel mükafatçısı Finn Erlinq Kidland və Avstraliya Milli Universitetinin İqtisadiyyat üzrə Tədqiqat Məktəbinin professoru, Nobel mükafatçısı Edvard Preskot ilə görüş keçirilib.

Görüşdə İctimai Elmlər Bölməsinin akademik-katibi, AMEA-nın müxbir üzvü Nərgiz Axundova və institutun əməkdaşları iştirak ediblər.

İqtisadiyyat İnstitutunun direktoru, professor Nazim İmanov bildirib ki, iqtisadiyyat elminə öz töhfələrini verən tanınmış iqtisadçılar, Nobel mükafatı laureatlarının institutun kollektivi ilə görüşü sevindirici haldır.

N.İmanov məlumat verib ki, iqtisadi sahə üzrə Nobel mükafatçıları dinamik makroiqtisadiyyatın tənzimlənməsi, iqtisadi siyasətin zaman ardıcıllığı, biznesin hərəkətverici qüvvələri və digər sahələrdə elmə öz töhfələrini verən alimlərdir. 

Görüşdə elmin inkişafı ilə bağlı məsələlərə, qonaqların təmsil etdikləri elm və təhsil müəssisələrinin Azərbaycanla əməkdaşlığına dair fikir mübadiləsi aparılıb.

Dünya şöhrətli alimlər ölkəmizdə olmalarından məmnunluqlarını bildirərək qeyd ediblər ki, Azərbaycan dünyanın ən dinamik inkişaf edən ölkələri arasında layiqli yer tutur.

Sonda Nobel mükafatçıları institut əməkdaşlarının çoxsaylı suallarını cavablandırıblar.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: