Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Akademik Əhliman Əmiraslanov AMEA-nın Fəxri üzvü Süleyman Dəmirəlin xatirəsinə həsr olunan anım tədbirində iştirak edib
19.06.2017 09:52
  • A-
  • A
  • A+

Akademik Əhliman Əmiraslanov AMEA-nın Fəxri üzvü Süleyman Dəmirəlin xatirəsinə həsr olunan anım tədbirində iştirak edib

Türkiyənin görkəmli siyasi xadimi, Türkiyə Respublikasının 9-cu Prezidenti, AMEA-nın Fəxri üzvü Süleyman Dəmirəlin vəfatının ikinci ildönümü ilə əlaqədar anım mərasimi təşkil olunub.

Görkəmli siyasi və dövlət xadiminin doğulduğu İsparta şəhərində yerləşən Süleyman Dəmirəl Universitetində keçirilən tədbirdə ölkəmizi Milli Məclisin komitə sədri, AMEA Biologiya və Tibb Elmləri Bölməsinin akademik-katibi, akademik Əhliman Əmiraslanov və deputat Şəmsəddin Hacıyev təmsil ediblər.

Anım mərasimində S.Dəmirəlin həyat və fəaliyyətindən, tarixi siyasi missiyasından, böyük quruculuq işlərindən, yüksək insani keyfiyyətlərindən danışılıb.

Akademik Əhliman Əmiraslanov Azərbaycan-Türkiyə münasibətlərinin inkişafında S.Dəmirəlin xidmətlərindən, onun ulu öndər Heydər Əliyevlə səmimi dostluq münasibətlərinin xalqlarımız və ölkələrimiz arasındakı inkişafa təsirindən danışıb.

Sonra tədbir S.Dəmirəlin adını daşıyan muzeydə davam etdirilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: