Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

“Ənənəvi söyləyicilik sənəti (Şirvan folklor mühiti əsasında)” kitabı işıq üzü görüb
19.11.2018 15:18
  • A-
  • A
  • A+

“Ənənəvi söyləyicilik sənəti (Şirvan folklor mühiti əsasında)” kitabı işıq üzü görüb

AMEA Folklor İnstitutunun Mərasim folkoru şöbəsinin böyük elmi işçisi, fil.ü.f.d. Atəş Əhmədlinin “Ənənəvi söyləyicilik sənəti (Şirvan folklor mühiti əsasında)” kitabı işıq üzü görüb.

Şirvan folklor mühiti əsasında yazılmış monoqrafiyada ənənəvi söyləyicilik sənətindən bəhs olunur. Monoqrafiyada söyləyicilik subyekt - janr - mühit müstəvisində araşdırılıb, söyləyiciliyin sənət səviyyəsinə yüksəlməsini təmin edən əsaslar müəyyənləşdirilib.

Söyləyicilik sənəti ilə bağlı folklorşünaslığımızda ilk dəfə monoqrafik səpkidə hazırlanmış bu kitab alim və mütəxəssislər, tələbələr və geniş oxucu kütləsi üçün nəzərdə tutulub.

Kitabın elmi redaktoru Folklor İnstitutunun direktoru, akademik Muxtar İmanov, "Ön söz"ün müəllifi, prof. Asif Hacıyev, rəyçiləri fil.ü.e.d. Seyfəddin Rzasoy, filologiya üzrə fəlsəfə doktorları Ağaverdi Xəlil, Əziz Ələkbərli və Məhəmməd Məmmədovdur. 

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: